сургуулиуд
Stanford University
Сургуулийн тухай товч тайлбар
Цахиурын хөндийн зүрхэнд байрладаг Стэнфордын Их Сургуулийг 1885 онд сенатч Леланд Стэнфорд болон түүний гэргий Жейн Стэнфорд нар “хүн төрөлхтөн, соёл иргэншилд нөлөө үзүүлэх замаар нийгмийн сайн сайхан байдлыг дэмжих” зорилгоор байгуулсан ажээ. Хосуудын цорын ганц хүүхэд нь гэдэсний хижиг өвчнөөр нас барсан бөгөөд ферм дээрээ их сургууль байгуулахаар шийдсэн нь хүүхдийнх нь дурсгалд зориулагдсан байдаг аж.
Эхнээсээ уг их сургууль нь шашин шүтлэггүй, дан боловсролыг дэмжих үүднээс хямд үнэтэй байсан бөгөөд уламжлалт Либерал урлаг (Liberal Art), тухайн үед шинэ Америкийг төлөвшүүлж байсан технологи, инженерчлэлийн аль алийг нь заадаг байв. 100 гаруй жилийн дотор эрчимтэй урагшилж Стэнфорд нь нийгэмдээ 19 Нобелийн шагналтныг бэлтгэсэн бөгөөд өдгөө ч дэлхийн шилдэг гурван их сургуулийн жагсаалтад тогтмол ордог.
Оюутны хотхоны нь талбайд морьд хэсүүчилсэн, “Ферм” гэсэн хочтой байсан бол Стэнфордын оюутны хотхон нь өдгөө дэлхийн өнцөг булан бүрээс 11000 гаруй бүтээлч, чадварлаг хүмүүсийн цэцэглэн хөгжиж буй нийгэмлэг болжээ. Нийт 7 сургууль Стэнфордын их сургуулийн харьяалалд байдаг бөгөөд тус бүр дээр даран дэлгэрэнгүй мэдээлэлтэй танилцана уу.
Сургуулиуд:
Сургуулийн оюутнууд
2020-2021 оны хичээлийн жилийн намар гаргасан тооцооллоор Стэнфордын их сургуульд нийт 18,623 оюутан суралцаж байгаагийн 6,366 нь бакалаврын зэрэгт суралцаж буй оюутнууд байна.
Нийт 18, 623 сурагчдаас:
Стэнфорд ирээдүйд хөрөнгө оруулах сонирхолтой оюутнуудыг компьютерын шинжлэх ухаан, био технологи, инженерчлэл зэрэг хамгийн сүүлийн үеийн мэргэжлийн салбарууд руу чиглүүлэх хандлагатай байдаг. Мэдээжийн хэрэг Стэнфордын бүх хүмүүс эдгээр чиглэлээр суралцдаггүй. Гэвч эдгээр мэргэжлийн хичээлүүд нь коллежид алдартай байдаг бөгөөд оюутны хотхоны соёл нь аль чиглэлээр суралцаж байгаагаас үл хамааран инноваци, технологийг дээдэлдэг.
Стэнфордын оюутнууд сурч боловсрох дуртай, сонирхлоо хэрхэн дэлхийд бодит нөлөө үзүүлэх төсөл болгох хувиргах талаар нухацтай боддог хүмүүс байдаг гэж дүгнэгддэг.
Оюутны хотхон
Стэнфордын оюутны хотхон 32.9 км2 газрыг хамарсан талбайд байрладаг бөгөөд дээр дурдагдсан 7 сургууль нь уг оюутны хотхонд үйл ажиллагаагаа явуулдаг. Уг оюутны хотхон нь 43,000 гаруй мод, 800 зүйлийн ургамал, 25 усан оргилууртай. Гайхамшигтай цаг агаар, коллежийн тогтвортой байдлыг та оюутны хотхонд байх 19,000 дугуйн зогсоолоос харж болно. Стэнфорд нь бүтээлч сэтгэлгээ, урлагийг хөгжүүлэх баялаг уламжлалтай бөгөөд оюутны хотхонд урлагийн дүүрэг ба дэлхийн хэмжээний тогтмол үзэсгэлэн зохион байгуулдаг хоёр музей байрладаг. Найман хоолны танхим, сургалтын гал тогоо, органик цэцэрлэгүүд нь оюутны хотхоны оюутан, ажилчдыг эрүүл, тогтвортой хоолоор хангадаг байна.
Стэнфорд нь мөн кактус, шүүслэг ургамал бүхий ботаникийн Кактус цэцэрлэгтэй. Уг цэцэрлэгийг Жейн, Леланд Стэнфордод зориулан бүтээсэн бөгөөд 1880-1883 оны хооронд ургамлуудыг үрслүүлэн тарьжээ.
Сургуулийн байрлах хот, тухайн газрын онцлог, уур амьсгал
Сан-Францискогоос өмнө зүгт 35 миль, Сан-Хосе хотоос хойд зүгт 20 милийн зайд байрладаг Стэнфордын их сургууль нь Yahoo, Google, Hewlett-Packard болон бусад олон шилдэг технологийн компаниудын гэр болсон Хойд Калифорнийн Цахиурын хөндийн зүрхэнд байрладаг. Эдгээр шилдэг компаниуд нь мөн Стэнфордын төгсөгчид үүсгэн байгуулсан байдаг бөгөөд үүнээс болоод Стэнфордод “Тэрбумтны үйлдвэр” хэмээн хоч өгчээ.
Стэнфордын Их сургууль нь Калифорнийн Пало Алтод байдаг бөгөөд Пало Алтод зун нь урт, дулаан, хуурай, ихэвчлэн цэлмэг, өвөл нь богино, хүйтэн, нойтон, зарим талаараа үүлэрхэг байдаг. Жилийн туршид температур нь ихэвчлэн 6,6° C-аас 25° C хооронд хэлбэлздэг бөгөөд 2,2°C-аас бага эсвэл 30.5°C -аас дээш байх нь ховор байдаг.
Тухайн хотын амьжиргааны дундаж зардал
Пало Алтогийн орон сууцны дундаж зардал 26%, нийтийн үйлчилгээний дундаж үнэ 8%, тээврийн дундаж зардал 21%-иар улсын дундаж хэмжээнээс тус тус өндөр гардаг байна. (Доорх мэдээлэл нь амьдралын олон хүчин зүйлсийн нөлөөтэйгээр өөрчлөгдөж болох үнийн дүн болно. Эх сурваллж: https://www.payscale.com/)
Хаусын дундаж үнэ
438,753$
Нэг уут талх
4.92$
Байр түрээслэх
дундаж үнэ
1,374$
Нэг сав сүү
2.87$
Эрчим хүчний
дундаж төлбөр
181.74$
Нэг картон өндөг
2.67$
Утасны
дундаж төлбөр
193.73$
Нэг баглаа гадил
4.96$
Шатахууны
дундаж үнэ
3.16$
Нэг хамбургер
6.26$
Дотуур байр
Стэнфорд нь бакалаврын зэрэгт суралцахаар сургуульд тэнцсэн 1-р курсийн оюутан болон, анхны жилдээ сургуульд суралцах гэж буй бүх оюутанд оюутны хотхон буюу дотуур байранд амьдрахыг шаарддаг аж. Мөн цаашдаа үргэлжлүүлэн дотуур байрны давуу талыг ашиглахаар шийдсэн сурагчдад дөрвөн жилийн турш баталгаа өгч болдог.
Стэнфордын өргөн уудам кампус нь ганц хүйс холилдсон дотуур байр болоод зөвхөн нэг хичээлийн жилд л хэрэглэгдэх боломжтой дотуур байр гэх мэт олон төрлийн орон сууцны сонголтыг санал болгодог. Зарим оюутнууд тусгай сэдэв, сонирхол бүхий ахан дүүс, хамтран суралцагчидтайгаа хүсэлт гарган дотуур байраа сонгох боломжтой. Дотуур байр болгоны мэдээлэл, хоолны системтэй танилцахыг хүсвэл энэ линкээр зочилно уу.
Сургуулийн элсэлт
-
Хүлээн авах төвшин: 4%
-
SAT онооны хүрээ: 1440-1570
-
ACT онооны хүрээ: 32-35
-
Өргөдлийн хураамж: 90$
Сургуулийн сан, боломжууд
Стэнфордын 28.9 тэрбум долларын хишиг (2020 оны 8-р сарын 31-ны тооцооллоор гаргасан) нь их сургуулийн багшлах, сурах, судлах эрхэм зорилгыг биелүүлэхэд байнгын санхүүгийн эх үүсвэр болдог. Үүнээс санхүүгийн жилийн туршид чухал ач холбогдолтой эрдэм шинжилгээний хөтөлбөрүүд болон сурагчдад олгож буй санхүүгийн дэмжлэгийг дэмжих зорилгоор 1.4 тэрбум доллар зарцуулагдсан байна. Хишгийн 80 орчим хувийг хандивлагчид тодорхой зорилгоор хязгаарладаг. Стэнфорд сургуульд нийт 8,300 сан байдаг ажээ.
Мөн Стэнфорд нь судалгааны чиглэлээр хамгийн их мөнгө зарцуулдаг коллежуудын нэг юм. 2019-2020 онд тус сургууль 6,800 гадны төслийг тэтгэсэн байна. Үндэсний судалгааны хоёр төв нь Стэнфордын оюутны хотхонд байрладаг.
-
Шинжлэх ухааны Карнегийн хүрээлэнгийн ургамлын биологи ба дэлхийн экологийн тэнхимүүд
-
Эдийн засгийн судалгааны үндэсний товчоо
Нэмж дурдахад Стэнфордод хэд хэдэн тусгай судалгааны төвүүд байдаг, тухайлбал:
-
SLAC National Accelerator Laboratory: Стэнфордын удирддаг АНУ-ын Эрчим хүчний яамны үндэсний лаборатори нь хими, материал, эрчим хүчний шинжлэх ухаан, биологи, хайлуулах энергийн шинжлэх ухаан, өндөр энергийн физик, сансар судлал, дэвшилтэт хурдасгуурын хөгжил болон бусад чиглэлээр ажилладаг.
-
Hoover Institute: Эрх чөлөөнд зориулсан дэлхийн тэргүүлэх архив, бодлогын судалгааны төв, хувийн аж ахуйн нэгж, мөн үр дүнтэй, хязгаарлагдмал засгийн газар.
-
Jasper Ridge Biological Preserve: Экосистемийн судалгаа, заах байгалийн лаборатори болох 4.8 км2 бүхий дархан цаазат газар.
-
Hopkins Marine Station: Номхон далайн эрэг дээрх анхны далайн судалгааны байгууламж, АНУ-д хоёр дахь нь.
Хичээлээс гадуурх үйл ажиллагаа
Стэнфордын их сургуулийн оюутнууд, багш ажилчид орчин үеийн амралт сувиллын байгууламж, эрүүл мэндийн хөтөлбөрт хамрагддаг тул спортын үйл ажиллагаанууд ч түгээмэл байдаг. Стэнфордын оюутнууд бейсбол, хөл бөмбөг, сагсан бөмбөг, сквош зэрэг 36 төрлийн, 32 клубийн спортын төрлүүдэд өрсөлддөг бөгөөд спортын багийг нь “Стэнфордын Кардинал” гэж нэрлэдэг ажээ. Мөн спортоос ч гадна тайзны урлаг, соёлын үнэлэмж, олон нийтийн оролцоо, сайн дурын ажил гэх мэт бүхий л сэдвүүдийг хамарсан 625 гаруй клубүүдээс сонголтоо хийн өөрийгөө хөгжүүлж болно. Энэ мэт Стэнфордын их сургуулийн сурагчдадаа санал болгодог хичээлээс гадуурх үйл ажиллагааны талаар дэлгэрэнгүй мэдээлэлтэй дараах сайтаар зочлон танилцаарай.
Сонирхолтой баримт: Стэнфорд олон амжилттай спортын багуудтай. Стэнфордын оюутнууд 1908 оноос хойш Олимпын наадам бүрээс медаль хүртэж, нийт 244 олимпын медаль хүртсэний 129 нь алт байв. 2008 оны Бээжингийн олимпын наадамд Стэнфорд АНУ-ын бусад их сургуулиудаас илүү олимпын медаль хүртсэн байдаг.
Мэргэжлийн хөтөлбөрүүд
Бидний дурдсанчлан, Стэнфорд бол технологийн хичээлийг онцгой үнэлдэг сургууль юм. Хамгийн алдартай мэргэжлийн хичээлүүд нь компьютер, мэдээллийн шинжлэх ухаан, биологи, био анагаах ухаан, инженерчлэл мөн нийгмийн шинжлэх ухаан юм. Стэнфордын их сургуулийн сурагчдадаа санал болгодог нийт мэргэжлийн хөтөлбөрүүдтэй дараах сайтаар зочлон танилцаарай.
Нэмэлт эх сурвалж